నిఖిల్ సినిమాలంటే యూత్ చాలా ఇష్టపడతారు. కొత్త కథలతో ఎప్పుడు యంగ్ గా కనిపిస్తూ, తన యాక్షన్ తో తనకంటూ ప్రత్యేకమైన పేరును సంపాదించుకున్నాడు. తెలుగులో 12 సినిమాలకు పైగా తీసాడు. ఇతని మొదటి సినిమా ”హ్యాపీ డేస్” ఈ చిత్రాన్ని జాతీయ అవార్డు గ్రహీత శేఖర్ కమ్ముల దర్శకత్వం వహించాడు. ఈ చిత్రంలో గల నలుగురు స్నేహితులలో ఒకనిగా నిఖిల్ నటించాడు. ఈ చిత్రం విజయంతో నిఖిల్ యొక్క కీర్తి పెరిగింది. 2007 లో అతి తక్కువ బడ్జెట్ తో తీసి కమర్షియల్ హిట్ అయిన చిత్రంగా హ్యాపీడేస్ చిత్రం నిలిచింది. అతని మొదటి సోలో చిత్రం అంకిత్,పల్లవి& ఫ్రెండ్స్. యువత మరియు వీడు తేడా చిత్రాలలో నటించాడు. అవి 50 రోజులు ఆంధ్రప్రదేశ్ లో ఆడాయి.ఇక విషయానికి వెళ్తే
చందూ మొండేటి దర్శకత్వంలో నిఖిల్ కథానాయకుడిగా కొంతకాలం క్రితం ప్రేక్షకుల ముందుకు వచ్చిన ‘కార్తికేయ’, భారీ విజయాన్ని సొంతం చేసుకుంది. ఆ సినిమాకి సీక్వెల్ చేయడానికి చందూ – నిఖిల్ రంగంలోకి దిగారు. ఈ ప్రాజెక్టుకి సంబంధించిన పనులతో ఇద్దరూ బిజీగా వున్నారు. ఈ సినిమాలో కథానాయిక పాత్ర కోసం కొంతమంది పేర్లను పరిశీలించారు.తాజాగా శ్రుతి శర్మను కథానాయికగా ఎంపిక చేసుకున్నారు. ‘ఏజెంట్ సాయిశ్రీనివాస ఆత్రేయ’ సినిమా ద్వారా తెలుగు తెరకి శ్రుతి శర్మ పరిచయమైంది. ఆ సినిమా సక్సెస్ తరువాత ఆమెకి లభించిన అవకాశం ఇదే. ఈ సినిమాలో ఆమె జర్నలిస్ట్ గా హీరోయిన్ పాత్రలో కనిపించనుందని సమాచారం. ఆకర్షణీయమైన కళ్లతో తొలి సినిమాతోనే యూత్ హృదయాలను దోచేసిన ఈ అమ్మాయి, మొత్తానికి మంచి ఛాన్సే కొట్టేసింది.
