టాలీవుడ్ సీనియర్ హీరోయిన్.. గ్లామరస్ హీరోయిన్ గా టాలీవుడ్ లో నెంబర్ ౧లో ఉన్న హీరోయిన్ రమ్యకృష్ణ. ఇటీవల కాలంలో తన వయసుకి తగిన కీలకమైన పాత్రలను చేస్తూ, తన క్రేజ్ ఎంత మాత్రం తగ్గకుండా చూసుకుంటుంది ఈ సుందరి. అలాంటి రమ్యకృష్ణను గురించి సీనియర్ జర్నలిస్ట్ బీకే ఈశ్వర్ ఒక ఆసక్తికరమైన విషయం చెప్పారు.”అప్పట్లో తెలుగు చిత్రపరిశ్రమలో చెయ్యి చూసి జాతకం చెప్పడం ఒక్క భానుమతిగారికే తెలుసు. అలా జాతకాలు చెప్పడంలో రమ్యకృష్ణ సిద్ధహస్తురాలనే విషయం చాలా తక్కువ మందికి తెలుసు. ఈ సంగతి నాకు తెలిసి ఆమెను పరీక్షించడం కోసం, నాకు పెళ్లి ఎప్పుడు అవుతుందో .. ఎంతమంది పిల్లలో చెప్పమని రమ్యకృష్ణను అడిగాను. ఆమె నా చేయి చూసి “మీరు నన్ను పరీక్షించడం కోసం అడిగి వుంటారు .. మీ రేఖలు చూస్తుంటే ఈ పాటికే మీకు పెళ్లి అయిపోయి,ముగ్గురు పిల్లలు ఉండి ఉండాలి” అన్నారు. అది నిజమే కావడంతో నేను షాక్ అయ్యాను. జాతకాలు చెప్పడంలో ఆమె దిట్ట అనే విషయం నాకు అప్పుడు అర్థమైంది” అన మాటలు టాలీవుడ్ లో వైరల్ అవుతున్నాయి.
