మల్టీస్టారర్ మూవీలతో వెంకటేష్ దూసుకుపోతున్నారు. మహేష్ బాబుతో కలసి ‘సీతమ్మ వాకిట్లో సిరిమల్లె చెట్టు’, పవన్ కల్యాణ్ తో కలసి ‘గోపాల గోపాల’, తాజాగా వరుణ్ తేజ్ తో కలసి చేసిన ‘F2’ సినిమాలు ప్రేక్షకులను అమితంగా ఆకట్టుకున్నాయి. ఈ నేపథ్యంలో, మరిన్ని మల్లీస్టారర్ మూవీలు చేసేందుకు వెంకటేష్ మొగ్గు చూపుతున్నారు. తాజాగా, దర్శకుడు వీరు పోట్ల వెంకీ కోసం ఓ మల్టీ స్టారర్ కథను సిద్ధం చేశాడట. ఈ చిత్రంలో వెంకీ తో కలసి రవితేజ నటించనున్నారని విశ్వసనీయ సమాచారం. ప్రస్తుతం ఈ చిత్రం చర్చల దశలోనే ఉంది. త్వరలోనే దీనిపై ఫుల్ క్లారిటీ రానుంది. మరోవైపు, నాగచైతన్యతో కలసి వెంకీ ప్రస్తుతం ‘వెంకీ మామ’ అనే చిత్రంలో నటిస్తున్నారు.
