పీఎం న‌రేంద్ర మోదీ.. రిలీజ్ డేట్ వ‌చ్చేసింది

ప్ర‌ధాని న‌రేంద్ర మోదీ జీవిత క‌థాంశంపై రూపొందించిన పీఎం న‌రేంద్ర మోదీ సినిమాను ఏప్రిల్ 12వ తేదీన రిలీజ్ చేయ‌నున్నారు. ఈ సినిమాను ఒమంగ్ కుమార్ డైర‌క్ట్ చేశాడు. ఈ ఏడాది జ‌న‌వ‌రిలోనే ఈ సినిమా షూటింగ్ ప్రారంభం అయ్యింది. ప్ర‌ధాని మోదీ పాత్ర‌లో వివేక్ ఒబ‌రాయ్ న‌టిస్తున్నాడు. ప్ర‌స్తుతం ముంబైలో చివ‌రి షెడ్యూల్ షూటింగ్ జ‌రుగుతున్న‌ది. ఎక్కువ శాతం సినిమాను ఉత్త‌రాఖండ్‌లో షూట్ చేశారు. మోదీ బాల్యం, ఆ త‌ర్వాత రాజ‌కీయ ప్ర‌వేశం గురించి ఫిల్మ్‌లో చూపించ‌నున్నారు. గుజ‌రాత్ సీఎం నుంచి 2014లో లోక్‌స‌భ ఎన్నిక‌ల్లో మోదీ సృష్టించిన ప్ర‌భంజ‌నాన్ని కూడా ఫిల్మ్‌లో ప్ర‌జెంట్ చేయ‌నున్నారు. ఈ సినిమా పోస్ట‌ర్‌ను మొత్తం 27 భాష‌ల్లో రిలీజ్ చేసిన విష‌యం తెలిసిందే. ద‌ర్శ‌న్ కుమార్‌, బొమ‌న్ ఇరానీ, మ‌నోజ్ జోషీ, ప్ర‌శాంత్ నారాయ‌ణ‌న్‌, జ‌రీనా వాహ‌బ్‌, సేన్‌గుప్తాలు ఇత‌ర పాత్ర‌ల్లో న‌టిస్తున్న‌ట్లు నిర్మాత సందీప్ సింగ్ తెలిపారు.