టాలీవుడ్ సూప‌ర్‌స్టార్ మ‌హేశ్ 26వ సినిమా స‌రిలేరు నీకెవ్వ‌రు. అనిల్ రావిపూడి ద‌ర్శ‌క‌త్వంలో తెర‌కెక్కుతోన్న ఈసినిమా సంక్రాంతి సంద‌ర్భంగా జ‌న‌వ‌రి 11న విడుద‌ల కానుంది. ప్ర‌స్తుతం షూటింగ్ తుది ద‌శ‌కు చేరుకుంది. డిసెంబర్ నుండి ప్ర‌మోష‌న్స్ ఊపు మ‌రింత పెంచే దిశ‌గా నిర్మాత‌లు స‌న్నాహాలు చేసుకుంటున్నారు. లేటెస్ట్ స‌మాచారం మేర‌కు ఈ సినిమా ప్రీ రిలీజ్ ఈవెంట్‌ను జ‌న‌వ‌రి 5న చేయాల‌ని యూనిట్ భావిస్తుంద‌ట. త్వ‌ర‌లోనే వేదిక‌ను కూడా ఖ‌రారు చేస్తార‌ట. దేవిశ్రీ ప్ర‌సాద్ సంగీతం అందించిన ఈ సినిమాలో ఇప్ప‌టి వ‌ర‌కు టైటిల్ ట్రాక్ మాత్ర‌మే విడుద‌లైంది. మ‌రి మిగ‌తా లిరిక‌ల్ సాంగ్స్ త్వ‌ర‌లోనే విడుద‌ల కాబోతున్నాయట. ర‌ష్మిక మంద‌న్న హీరోయిన్‌గా న‌టిస్తున్న ఈ చిత్రంలో విజ‌య‌శాంతి కీల‌క పాత్ర‌లో న‌టిస్తుంది.
