జయాపజయాలను గురించి పెద్దగా పట్టించుకోకుండా సూర్య తన దూకుడు చూపుతూనే వున్నాడు. అభిమానులకి .. తనకి మధ్య సినిమా పరంగా గ్యాప్ రాకుండా వరుస సినిమాలు చేసుకుంటూ వెళుతున్నాడు. ఈ క్రమంలోనే ఆయన సుధా కొంగర దర్శకత్వంలో ఒక సినిమా చేస్తున్నాడు.’గురు’ దర్శకురాలిగా సుధా కొంగర తెలుగు ప్రేక్షకులకు సుపరిచితమే. ఆమె దర్శకత్వంలో సూర్య చేస్తున్న ఈ సినిమా, బయోపిక్ కావడమే విశేషం. పైలెట్ ‘జీ ఆర్ గోపీనాథ్’ జీవితచరిత్రగా ఈ సినిమా నిర్మితమవుతోంది. తమిళంలో ఈ సినిమాను ‘సురారై పోట్రు’ అనే టైటిల్ తో రూపొందిస్తున్నారు. తెలుగులో ‘ఆకాశం నీ హద్దురా’ అనే టైటిల్ ను ఖరారు చేశారు. తెలుగు వెర్షన్ కి సంబంధించి వదిలిన సూర్య ఫస్టులుక్ ఆకట్టుకుంటోంది. జీవీ ప్రకాశ్ సంగీతాన్ని సమకూర్చుతున్న ఈ సినిమాలో కథానాయికగా అపర్ణ బాలమురళి నటిస్తుండగా, నెగెటివ్ షేడ్స్ కలిగిన పాత్రలో మోహన్ బాబు కనిపించనున్నారు.
previous article
’90 ML’ చిత్రం తేదీని ఖరారు చేశారు
next article
జగన్ చేసిన వ్యాఖ్యలకు జనసేన శతఘ్ని టీమ్ కౌంటర్
Related Posts
- /No Comment
మహేష్, వంశీ పైడిపల్లి కాంబినేషన్లో…
- /No Comment